ნინო ხვინგია

6/15/2013

შემაჯამებელი გაკვეთილი ბუნებაში. თემა - მოგზაურები.

ნიკოლოზ ბუცინაშვილის გამოძერწილი მოგზაურები

2013 წლის 8 თებერვალს თბილისის კლასიკურ გიმნაზიაში ჩატარდა დასკვნითი ეტაპი პროექტისა-,,დიდი ქართველები-დავით აღმაშენებელი". პროექტში მონაწილე მოსწავლეებს დამსახურების მიხედვით გადაეცათ სიგელები.

2013 წლის 3 ივნისს IV-4 კლასის მოსწავლეები დაესწრნენ საგანმანათლებლო გამოფენას ,,ანა ფრანკის,როგორც მწერლის შესახებ“.

მოსწავლეებმა დაათვალიერეს გამოფენა, ნახეს ანა ფრანკზე შექმნილი დოკუმენტური ფილმი, მონაწილეობა მიიღეს შემეცნებით თამაშებში.

6/20/2012

2012 წლის 19 აპრილის ჩატარდა ჰამლეტ გონაშვილის ხსოვნისადმი მიძღვნილი საღამო. პროექტის ხელმძღვანელი თინათინ კოპალიანი.

წარმოდგენის არალინგვისტური ხერხები

ბევრი ფსიქოლოგი საუბრობს ინფორმაციის ,, ორმაგი კოდირების" თეორიაზე. ამ თეორიის მიხედვით, ცოდნა ორი ფორმით ინახება–ლინგვისტური და წარმოსახვითი ფორმები. ლინგვისტური ფორმა შეგიძლიათ, წარმოიდგინოთ, როგორც წინადადებების წყება გრძელვადიან მეხსიერებაში. წარმოსახვითი ფორმა კი გამოიხატება მენტალური სურათებით, ან ფიზიკური შეგრძნებებით, როგორიცაა: სურნელი, გემო, შეხება, ხმა და ა.შ. დადასტურებულია, რომ წარმოდგენის არალინგვისტური ფორმების შექმნაში მოსწავლეთა ხშირი ჩართვა ხელს უწყობს ტვინის მუშაობის სტიმულირებას.
ყოველივე ამის გათვალისწინებით დავგეგმე შემდეგი ღონისძიებები:
7.02. 2011– ნაწარმოების ,, შვლის ნუკრის ნაამბობი" წაკითხვა. გააზრება
8.02.2011 გამოვიყენე წარმოდგენის არალინგვისტური ხერხი, რაც მოიცავს ახალმიღებულ ინფორმაციასთან დაკავშირებით მოსწავლეების გონებაში სახეების ჩამოყალიბებას და მიღებული ინფორმაციის გრაფიკული გამოსახულებების შექმნას.

მკითხველთა თეატრი

მოგეხსენებათ, ჩვენი საზოგადოება და განსაკუთრებით ახალგაზრდობა დაშორდა წიგნს. ჩვენი მიზანია დავუბრუნოთ ბავშვები წიგნს, შევაყვაროთ კითხვა და გავზარდოთ კარგ მკითხველებად. კითხვა მარტო სიტყვების ამოკითხვას არ ნიშნავს, ის საკმაოდ რთული პროცესია. კარგმა მკითხველმა უნდა შეძლოს გამართული კითხვა, წაკითხულის გააზრება, ჩამოუყალიბდეს გემოვნება და გაარჩიოს ცუდი და კარგი ნაწარმოები, იმსჯელოს წაკითხულზე, დასვას კითხვები და წაკითხული მიუსადაგოს ყოველდღიურობას. ეს პროცესი საკმაოდ ხანგრძლივია და ამაზე მუშაობას დაწყებით კლასებში ვიწყებთ.

2010 წლის 22 დეკემბერს II-4 კლასის მოსწავლეებმა წარმოადგინეს ახალი მეთოდი ,,მკითხველთა თეატრი”, რომელიც ადვილად შეიძლება იქცეს ბავშვების საყვარელ მეთოდად, ვინაიდან ის თამაშის ბევრ ელემენტს აერთიანებს. როგორც ცნობილია, გამართული კითხვა კითხვის სწავლების ერთ-ერთი საუკეთესო საშუალებაა. განმეორებითი კითხვა, რომლის ერთ-ერთი ფორმაა ,,მკითხველთა თეატრი”, ეს არის სწავლების მეთოდი, რომელიც გულისხმობს ნარატიული ტექსტის მოსწავლეების მიერ კითხვას როლებში.

აღნიშნული მეთოდი:

*ავითარებს გამართული კითხვის უნარ-ჩვევას;

*ავითარებს მოსმენისა და მეტყველების უნარ-ჩვევებს;

*უნერგავს მოსწავლეებს საკუთარი შესაძლებლობების რწმენას;

*ავითარებს სოციალურ, თანამშრომლობით და ინტერპერსონალურ უნარ-ჩვევებს;

*ზრდის ბავშვის თვითშფასებას;

*უნერგავს მოსწავლეს კითხვის სიყვარულს.

წარმოდგენისთვის ბავშვები წინასწარ ემზადებოდნენ. ჩატარდა რეპეტიციები. რეპეტიციების დროს ყურადღებას ვამახვილებდით შემდეგ კრიტერიუმებზე:

*კითხულობს სათანადო ინტონაციით;

*კითხულობს უშეცდომოდ;

*კითხულობს სათანადო ტემპით;

*ყურადღებით ისმენს სხვის წაკითხულს, არ ტოვებს თავის რეპლიკას;